【公視　報導】 年到節掜，家家戶戶加減攏會摒掃。彰化八卦山的大葉大學，今就和弘道基金會合作，招募一寡大學生，做伙去替遐的，單獨一?咧蹛的老大人，鬥摒厝內，嘛將過年時仔鬧熱的氣氛，湠予遮的頂輩，通予?來體會社會的關心。 整理客廳、摒灶跤，大葉大學的學生真骨力，做伙來幫家己蹛的阿媽厝內大摒掃，予腰受傷的阿媽，會當過一?好年，學生佇服務的過程中嘛會使體會序大人的艱苦。 ==大葉大學休閒系二年級 邱若維== 這是一個還蠻特別的經驗 就是可以去幫助他們 這不是一般會做的事情 袂少老大人家己一個人蹛，若是拄著過年過節，心情就愈無好。弘道基金會為著予序大過一?好年，逐年攏會辦活動，除了和學校合作大摒掃，嘛有鬥辦年貨、送年菜的服務。 ==弘道基金會彰化服務處行政企劃組組長== 那在很多學生來家裡服務長輩 讓長輩覺得 瞬間可以多了好多孫子 然後 陪他一起準備 要過一個好年 大葉大學和弘道基金會合作做公益，予學生佮序大人互相陪伴，共溫暖分享予一個人蹛的序大，播送愛佮關心。